Од кабинетот на претседателот на Собранието, за А1он и Макфакс ги демантираа гласините дека премиерот Заев и претседателот на ВМРО-ДПМНЕ Христијан Мицкоски се сретнале со Талат Џафери пред почетокот на 32 седницата на која ќе се одлучува за законот за употреба на јазиците.
Заев и Мицкоски се присутни во Собранието на РМ, но само на посебни координативни средби со пратеничките групи од своите партии. Координативната средба на ВМРО-ДПМНЕ заврши, додека пак средбата на пратеничката група од СДСМ се уште е во тек.
Двете најголеми партии со спротиставени ставови за денешната седница. Од ВМРО-ДПМНЕ веруваат дека мнозинството во Собранието заедно со претседателот Талат Џафери ќе го испочитуваат Деловникот и ќе има расправа за 35 илјади поднесени амандмани од партијата.
За разлика од опозицијата, од владејачката СДСМ велат дека законот за употреба на јазиците ќе биде изгласан на денешната седница без расправа за поднесените амандмани.
Виктор Јованов