Премиерот Зоран Заев вечерва на својата страница на Фејсбук напиша дека му се заблагодарил на бугарскиот премиер, на владата на Бугарија и на народот на оваа земја, откако владата во Софија, на седница на која присустуваше и македонскиот министер за здравство Венко Филипче, одлучи да ѝ донира дел од вакцините против коронавирусот на земјава.
„По одлуката за донации на вакцини, изразив благодарност лично до премиерот Борисов, до Владата на Бугарија и до бугарскиот народ за солидарниот и хуман гест и исклучителен чин на пријателство кон македонскиот народ и кон сите граѓани на Северна Македонија.
Во благодарноста на премиерот Борисов му пренесов дека донирањето на дел од вакцините кои ги набави бугарската влада е многу важно и доаѓа во исклучително тешки времиња на силен бран на коронавирусот со кој се соочуваат двата народи, двете држави и целиот свет,“ напиша Заев.