Заев: Ќе се интензивираат градежните активности и во високоградбата

Од:

Претстои период на интензивирање на севкупните градежни активности во земјава и покрај нискоградбата, што претежно ја финасира државатa преку капиталните инвестиции, ќе се раздвижи и високоградбата, која може да биде голем двигател на македонската економија и е многу неопходна за раст на БДП на дражавата, порача денеска премиерот Зоран Заев.

-На тоа работиме заедно со економскиот тим и доколку се реализира 20 до 30 отсто од предвиденото ќе придвижи многу во бројки и во економски стандард кој ќе го почувствуват граѓаните, но ќе придонесе и за севкупен раст на БДП на државата, рече Заев во одговор на прашање на денешната прес-конференција во Владата.

Тој посочи дека имал средба со Градежната комора и претставниците од повеќе градежни компании кои презентирале план од инвестиции вреден милијарда евра што треба да се реализира во следните две до три години, но се договориле градењето да биде со мерка.

-Тоа е значајно за БДП на државата и отворање на работни места во градежништвото, бидејќи високоградбата и нискоградбата движат 72 гранки дејности и поддејности. Ние сме ветиле дека Скопје и големите градови ќе продолжат да се развиваат, но со услул, а мегаломанските проeкти се откажуваат. Законите за просторно и урбанистичко планирање се донесени и тоа значи маркирање во рамки на парцела и соодветно зеленена површина во лоакцијата, појасни Заев.

За мене, додаде, е значаен состанокот што го одржав со градоначалниците од Скопје и другите региони со што дефинитивно се раздвижија работите.

-Драго ми е што многу проекти кои беа застанати во Карпош, Центар, Аеродром, Кисела Вода, Чаир, Бутел, Гази Баба, но и во другите скопски општини и сите други рурални општини се раздвижуваат. Во моментов гледам 50-отстотна ефикасност од состаноците што ги имав. Работите се раздвижени и од 25-те големи парцели кои беа проблематични, сега 12 се веќе раздвижени, а за останатите 13 се разговара, рече Заев.

Би можело да ве интересира

Заев: Не станува збор за никакво бришење на историјата, очекувам исчекор по изборите во Бугарија и кај нас

Катерина Павлова-Николовска

Заев: Целта ни е зелена енергија, одржлив раст, здрава животна средина и нови работни места

Заев-Сера: Историската посета на Мадрид исчекор кон продлабочување на соработката меѓу двете земји

Ана Ололовска

Заев: Со новата инвестиција на „Текнопанел“ се отвораат 120 нови работни места со просечна плата над 33.500 денари

А1он

Заев: Се отвораат нови добро платени работни места, глобалните компании ја препознаваат поволната бизнис клима во земјата

А1он

Заев на состанок со амбасадорите од ЕУ: До крајот на словенечкото претседателство да се постигне напредок во евроинтеграцијата на државата

Ана Ололовска