(ВИДЕО) Заев: Ќе го вратиме Мерцедесот на Груевски и со тие пари ќе набавиме амбулантни возила

Од:

Ќе го вратиме Мерцедесот на Груевски и со тие пари ќе се набават амбулатни возила за клиниките во Македонија, рече лидерот на СДСМ, Зоран Заев на денешниот централен митинг во Скопје.

Тој додаде дека на 15. октомври ќе се заокружат промените во Македонија и повика на ослободување на Македонија од остатоците на режимот.

– Да стигне животот во секој град, село, во секое катче. Бараме поддршка од левичари, десничари, центристи, сите, рече Заев.

Тој изјави дека СДСМ во последниве 4 месеци покажале дека се луѓе од збор и дека не се сите исти.

– Македонија ќе биде 30-та членка на НАТО и ќе биде стабилна и почитувана земја која ќе седи на иста маса со сојузниците и ќе носи заеднички одлуки за Македонија, иднината на Европа и целиот Запад, рече Заев.

Лидерот на СДСМ додаде дека во Македонија ќе владеат правото и правдата.

– Ќе помагаме како централна власт да има повеќе пари за општините и ќе градиме општини кои ќе работат за вас, додаде Заев.

Државата, рече тој, ќе пушта пари во стопанството за да го спречи одливот на младите и ќе ги помага земјоделците. Тој најави дека за развој на бизнисот во Македонија од буџетот за 2018 планирани се милион евра и стотина милиони евра од Светска банка и други финансиски институции.

Кандидатите за градоначалници на коалицијата, предводена од СДСМ, како што порача Заев акцент ќе стават на тоа граѓаните во општините да одлучуваат за тоа како ќе се трошат парите, на чистата животна средина, која подразбира чист воздух и чиста вода за пиење.

– Сакаме преку ефективна децентрализација да ги оспособиме општините, да им ги дадеме сите алатки за да можат да работат во интерес на граѓаните, рече Заев.

Тој истакна дека општини што поврзуваат значат модерни, организирани и внатрешно и надворешно поврзани единици на локаната самоуправа со модерни и квалитетни улици и патишта, дигатилизирани системи за јавни услуги, јавен превоз кој функционира и побезбеден сообраќај.

Би можело да ве интересира

(ВИДЕО) Заев: Мијалков избега и мораше да се пријави затоа што стиснавме на блиските и имотот

Катерина Павлова-Николовска

СДСМ: Мицкоски да ги повика на одговорност сите обвинети од ВМРО-ДПМНЕ

Ана Ололовска

Заев се сретна со новиот владин економски советник од Германија

Жарко Настоски

Бандити ограбиле обложувалница во Ченто, пукале, направиле сообраќајка и избегале

Жарко Настоски

Заев и Османи со писма барале побрзо да се натоварат кинеските вакцини за да стигнат до крајот на оваа недела

Маја Илиевска-Пачемска

Заев: Чекорот на ЛДП направен во овој момент го сметам за удар врз СДСМ

Кристијан Ландов