Остануваме посветени на преговарачкиот процес, а ќе го подигнеме и нивото. Министрите за надворешни работи ќе ги преземат преговорите. Тие ќе работат со нивните тимови, што ќе дозволи повеќе динамика и суштина во преговорите, изјави македонскиот премиер Зоран Заев на заедничката прес-конференција со неговиот грчки колега Алексис Ципрас, по денешната двочасвона средба.
– Ние сме посветени на имплементација на мерките на градење доверба со нашиот сосед и надминување на отвореното прашање. Свесни сме дека сме на вистинскиот пат да постигнеме добрососедски односи кои ги поддржуваат нашите евроатлантски перспективи. Сакаме да станеме еднавки партнери во ЕУ и лојални партнери во НАТО. Сакаме да си помагаме и поддржуваме во тешки и предизвикувачки моменти, изјави Заев.
Тој рече дека во минатото сме покажале дека може да работиме заедно на проблемите за меѓусебен итнерес.
– Ние како премиери имаме политички мисија, волја и одговорност да работиме за надминување на спорот. Редно време е да се изнајде решение, бидејќи тоа е клучно за нашите ЕУ и НАТО перспективи, заклучи Заев и додаде дека конечното решение мора да биде прифатливо за двете страни.
Премиерот Заев истакна дека мора да се води грижа и за нашите и нивните национални интереси и дека секое решение мора да биде во насока на заштита на идентитетот.
Тој најави и дека македонската влада ќе го примени името на аеродрмот и на автопатот.
– Нашите активности ја покажуваат нашата добра волја и тоа сведочи за фактот дека немаме никакви територијални аспирации спрема нашиот сосед, изјави Заев.