Владејачката партија во пресрет на локалните избори ќе ги бира кандидатите за градоначалници и советници по терк на граѓаните креиран од анкетите кои се во тек, изјави денеска премиерот и лидер на СДСМ Зоран Заев за време на посетата на Берово.
– Општините во севкупниот живот на граѓаните се сериозен фактор со влијание во секојдневниот живот па, во пресрет на локалните избори, како што додаде, владејачката партија ќе ги бира кандидатите за претстојните локални избори по терк на граѓаните креиран од анкетите кои се во тек, рече Заев и додаде дека оваа изјава ја дава во една победничка општина.
Истакна дека почнале да пристигнуваат резултатите кои ќе им бидат водилка.
– Изборните органите на партијата се веќе формирани, а овие денови ќе почнеме да ги носиме одлуките и за кандидатите за градоначалници и советници и среќен сум што има многу кандидати кои претендираат за овие функции во СДСМ што не беше порано така. Но, оние кандидати кои имаат најголема поддршка ќе ја добијат нашата доверба, бидејќи ветивме долг период да бидеме сервис на граѓаните. Анкетите покажуваат дека партиите се од секундарно значење, важни се кандидате и програмите, рече премиерот Заев.
Тој додаде дека очекува регуларни кредибилни избори, фер и демократски, при што граѓаните ќе ги изберат првите луѓе на општината и советниците.
– Општините се серизен фактор на влијание во секојдневниот живот на граѓаните, под нив се училиштата, градинките, комуналните претпријатија, допираат во секоја сфера од животот и семејството. Затоа да бидеме паметни, да кандидираме добри кандидати за градоначалници кои се по мерка на граѓаните, истакна Заев.