Заев и Пендаровски на ифтарска вечера на Стопанската комора на северозападна Македонија

Од:

Најважниот и најсветиот месец во духовниот живот на припадниците на Исламот повикува уште еднаш да ги афирмираме вредностите на простување и сочувствување, на толеранција и на почитување на другите, порача вчера премиерот Зоран Заев на ифтарската вечера организирана од Стопанската комора на северозападна Македонија.

-Рамазан е и празник кој не учи дека сите имаме должност да им помагаме на другите, да реагираме и да помагаме да се исправи неправдата, ако му е некому нанесена. Да го даваме најдоброто од себе за да создаваме заедница во која сите сме еднакви. Наша должност е да си служиме и да си помагаме едни на други.Овие вредности се испреплетуваат низ сите вредносни системи на различните верски традиции во нашата земја, истакна Заев.

Премиерот, како што соопшти владината прес-служба, пред присутните на вечерата нагласил дека партнерскиот однос и меѓусебната соработка со Стопанската комора на северозападна Македонија и со бизнис заедницата од овој регион е од огромно значење за успехот и исчекорот напред на нашите економски политики, во интерес на граѓаните и секако на компаниите.

По ифтарската вечерата обраќање имал и претседателот Стево Пендаровски, а присутни биле и вицепремиерите Кочо Анѓушев и Бујар Османи, министрите Крешник Бектеши, Дамјан Манчевски и Едмонд Адеми.

Би можело да ве интересира

Во вторник средба Заев-Мицотакис во Њујорк

Ана Ололовска

Владина делегација од понеделник на Генералното собрание на ОН во Њујорк

Ана Ололовска

Заев: Да се надминеме себе си и да го договориме законот за ЈО

Татјана Ташкова

Пендаровски до Мемети: Потребно натамошно зголемување на независноста во функционирањето на омбудсманот

А1он

ВМРО-ДПМНЕ: Истрагата за „Рекет“ е фарса, целта е да се одвлече вниманието од Заев

А1он

Заев и Туск немаат време за новинарите

Виктор Јованов