Заев и Мицкоски утре на лидерска во Собрание

Од:

Премиерот и лидер на СДСМ Зоран Заев и претседателот на опозициската ВМРО-ДПМНЕ Христијан Мицкоски утре во Собранието на Република Северна Македонија на лидерска средба ќе се обидат да најдат заеднички јазик за Законот за јавно обвинителство, со кој се решава и судбината на Специјалното јавно обвинителство.

Лидерската средба, како што потврдија за МИА владини извори, ќе почне во 20 часот и ќе се одржи во формат еден плус четири.

Во фокусот на лидерската ќе биде Законот за јавно обвинителство, но Мицкоски синоќа во интервју за Алфа најави дека ќе ја отвори и темата за предвремени парламентарни избори. Од Владата за МИА велат дека главна тема е Законот, а за тоа дали ќе се разговара за предвремени ќе се види на лице место.

Од ВМРО -ДПМНЕ за МИА го потврдија одржувањето на лидерската, но нагласија дека освен за Законот за јавно обвинителство, тема ќе бидат и предвремените избори. Од партијата велат дека темата предвремени избори биле услов за одржување на лидерската.

Заев вчера во пораката за Денот на независноста меѓу другото изрази и увереност дека земјата има капацитет со двотретинско мнозинство да го донесе и Законот за јавно обвинителство.

– Сите случаи и евентуални случаи на криминал и корупција, како во развиените земји, мора да добијат ефикасна, праведна и правична разврска. Тоа го очекуваат граѓаните и со тоа ќе дадеме дополнителни аргументи на ЕУ, дека сме и ние цврсто определени кон правдата и изградбата правна држава, истакна премиерот.

Поради скратените рокови Законот за Јавно обвинителство се очекува да биде донесен најдоцна до 15 септември. За да биде усвоен потребно е двотретинско мнозинство од пратениците, а неговото носење е клучно и за евроинтеграциите на земјава.

Последната средба на работните групи на власта и опозицијата за законот, која се одржа минатата недела не вроди со суштествен заклучок, а сега се очекува решението да се бара на лидерската средба.

Би можело да ве интересира

Нема најава за нова средба Заев-Мицкоски за законот за јавно обвинителство

Ана Ололовска

(ВИДЕО) Мицкоски: Заев дојде на лидерска со цел да не се постигне договор

Мери Јордановска

(ВИДЕО) Заев: Истрагата за „Рекет“ води кај Мицкоски

Ана Ололовска

(ВИДЕО) Заев: ВМРО-ДПМНЕ побара да го заташкаме криминалот

Васко Маглешов

Новинарите не го дочекаа исходот од лидерската средба меѓу Заев и Мицкоски

Мери Јордановска

Три часа преговори на лидерската средба, напредок нема

Мери Јордановска