Премиерот Зоран Заев по потпишувањето, го повика лидерот на ВМРО-ДПНЕ, Никола Груевски да даде поддршка на Договорот за соработка со Бугарија.
Овој договор е резултат на повеќемесечен и долг труд и Никола Груевски има удел во него. Повикувам да застанеме заедно во перспективите што ги нуди договорот. Генерално, за потпишување на ваквите договори и двете страни не се среќни, па има договор. Во овој случај и двете страни се среќни. Уште една повикувам ВМРО-ДПМНЕ да дадат поддршка за нешто за што дале голем труд, успехот ќе биде заеднички, рече Заев.
Бугарскиот премиер, Бојко Борисов на прашањето како гледа на тоа што многу луѓе и ВМРО-ДПМНЕ се против договорот рече:
-Работевме многу напорно со него. Критики имаше и во Бугарија, но дали тоа носи перспектива, дали е тоа пријателство, дали е добрососедство? Современиот човек сака да патува, да види мориња и планини. Јас ќе имам вечерва средба и со Никола Груевски и сакам и тој да го поддржи овој договор, рече Борисов.
