На вчерашната прослава на Денот на независноста на САД, 4-ти јули, во американската амбасада беше изведена и македонската химна, но без делот каде што се споменува Гоце Делчев и другите национални херои.
Пејачката Тамара Тодевска денеска на социјалните мрежи се извини за пропустот при изведувањето на химната на прославата и тоа потврдува дека станува збор за ненамерна грешка, рече премиерот Зоран Заев.
„Нашата ѕвезда се извини на фејсбук, амбасадата на САД исто. Тоа е пропуст. Химната се пее секој ден и секаде. Тоа потврдува дека е ненамерна грешка“, рече премиерот Зоран Заев.