По повеќе од 2 часа средба со Претседателот Иванов, лидерот на СДСМ Зоран Заев рече дека иако го побарал мандатот од него тој рекол дека нема да му го даде доколку не даде потврда со 61 потпис дека може да формира Влада.
Иванов му одговорил дека нема да му го даде затоа што се второпласирана партија, туку само доколку може да формира Влада.
На прашање дали се прифатливи избори Заев одговори дека на СДСМ најмногу му одговараат нови избори, но бидејќи на Македонија и на другите политички партии не им одговараат избори тоа нема да се случи.
Тој рече дека тоновите од Брисел не се за широка коалиција со сите партии, туку што е можно поширока коалиција за постабилна политичка Влада. На прашање дали сепак би прифатил широка коалиција со сите партии, тој рече дека нема да прифати никаква коалиција со лица осомничени од СЈО.