Меѓувладина конференција до крајот на годинава – очекуваат Заев и Мишел

Од:

Најважните приоритети на Република Северна Македонија во актуелниот период е да биде усвоена Рамката за преговори со ЕУ од страна на Европскиот Совет и одржувањето на првата меѓувладина конференција на земјата со ЕУ до крајот на годината под претседателството на Германија, беше истакнато на разговорот на премиерот Заев со претседателот на Европскиот совет Шарл Мишел, што беше организиран онлајн и во кој учествуваа и вицепремиерот за европски прашања, Никола Димитров и министерот за надворешни работи, Бујар Османи.

На онлајн средбата со претседателот на ЕС Мишел, беше констатирано дека позитивниот исход за одржување на првата меѓувладина конференција ќе биде поттик побрзи домашни реформи, како и позитивен сигнал за регионот со што ќе се потврди европската перспектива на Западен Балкан, како една од целите за проширување на ЕУ, соопшти владината прес-служба.

-Вложено е многу од двете страни и исто толку многу е остварено што не прави, како земја, подготвени за преговорите по поглавја за целосно и безусловно исполнување на нашата ЕУ агенда, рече премиерот Заев на средбата со Мишел.

Заев во разговорот со Мишел потенцираше дека приоритети на Владата за следниот период се понатамошното унапредување на агендата за реформи на ЕУ на инклузивен начин, со вклучување на опозицијата во Парламентот, и со активно учество на граѓанското општество и меѓународните партнери.

На онлајн средбата со претседателот на Европскиот совет беше нагласено дека постигнатите важни резултати во зајакнувањето на независноста на судството, донесувањето на Законот за јавно обвинителство, како и конечните пресуди за случаи на корупција и организиран криминал, вклучително и на високо ниво, дополнително се подобрија и како такви се констатирани и во годишниот извештај на Европската комисија за Северна Македонија.

-Северна Македонија ќе ги засили своите напори и ќе донесе понатамошни опипливи и одржливи резултати во клучните реформски области, особено во областа на владеењето на правото, вклучително и борбата против организираниот криминал и корупцијата, рече премиерот Заев на оваа онлајн средба.

Тема на средбата, на која присуствуваа и учествуваа и вицепремиерот за европски прашања Димитров и шефот на дипломатијата Османи, беа и добрососедските односи и регионот.

Заев истакна дека Владата е посветена на спроведување на обврските од Договорот од Преспа и од Договорот за добрососедство и пријателство со Бугарија и дека сите преостанати прашања ќе се затворат низ билатерални средби и во пријателска атмосфера.

На средбата со Шарл Мишел беше потенцирано и огромното значење на Економскиот и Инвестициски План за Западен Балкан вреден 9 милијарди евра за поголеми инвестиции за зајакнување на инфраструктурната поврзаност, особено во областа на транспортот и енергијата, зелената и дигиталната агенда, како и за зајакнување на конкурентноста на приватниот сектор како клучни области за регионалните економии.

Претседателот на ЕС Мишел на онлајн средбата потсети дека еден од неговите први приоритети кога го презеде мандатот во ЕС, беше интеграцијата на Западен Балкан во ЕУ, и во таа насока високо ја оцени посветеноста Влада и на граѓаните на Северна Македонија во остварувањето европските стандарди во сите области, вклучувајќи го и усогласувањето на националните надворешни политики со оние на ЕУ.

„Тоа е многу важно“, рече претседателот на Европскиот Совет Мишел за да заврши побргу процесот на затворање на поглавјата што ќе започне со првата меѓувладина конференција во декември, за време на претседавањето на Германија, стои во соопштението на владината прес-служба.

Би можело да ве интересира

Северна Македонија ќе претседава со ОБСЕ во 2023 година

Жарко Настоски

Османи: Имаме недвојбена поддршка од сите земји членки на ЕУ, останува прашањето со Бугарија

Ана Ололовска

Мишел: Следната недела важен самит на ЕУ во Брисел

Ана Ололовска

Земјите-членки на ЕУ изразија загриженост поради растот на антисемитизмот

Жарко Настоски

Османи: Договорот е успех на нашата дипломатија и можност за нашите бизниси

Ана Ололовска

Арсовски: Бучковски е одличен познавач на македонско-бугарските односи и почитуван од тамошната јавност

Ана Ололовска