По судската пресуда, на премиерот Никола Груевски да му исплати 50.000 евра, претседателот на СДСМ, Зоран Заев на Фејбук порача дека на крајот ќе победи правдата.
-Можеби денеска јас изгубив во прва судска инстанца но ќе победам во конечната судска постапка.Правдата мора да победи и ќе победи. Најважно е што на среден рок добива Македонија затоа што со овој судски процес и со оваа пресуда уште еднаш се потврди контролата од страна на власта врз судство. Овој процес и оваа пресуда силно ќе придонесат да му дојде крајот на апсурдното секојдневие кое го живее нашиот народ. Борбата за слобода и демократија продолжува, напиша Заев на Фејсбук.
Како и во сите досегашни судски процеси каде некој од власта тужеше, така и во овој, судот пресуди во корист на премиерот Никола Груевски. Судот не дозволи како сведок да биде сослушан Ден Дончев, третиот учесник во сниманиот телефонски разговор.
Судот му одреди казна од 50.000 евра на Заев, точно колку и што побара премиерот Никола Груевски.