Премиерот на Република Македонија, Зоран Заев на прес-конференција по лидерската средба изјави дека разговорите траат долго и најави дека во недела или понеделник ќе се одржи нова лидерска средба.
„Стратешки цели на нашата земја и на сите партии во Собранието е полноправно членство во ЕУ и НАТО. Комромиси нема за стратешките цели. Амнестија директна или индиректна нема. Ќе дадеме шанса на дијалогот сè додека е возожно. Секако притоа парламентот продолжува да работи и измените на Изборниот законик продолжуваат на комисиите“, изјави Заев по лидерската средба која траеше четири часа.
Тој рече дека деновите до референдумот се избројани. На новинарско прашање за кои прашања е постигнат договор и кои разлики останале, не сакаше да одговори.
„Заклучив дека можеби ќе направам грешка ако зборувам за заклучоците и суштините. Тоа би нанело штета. Така да има прашања кои лесно се договраат и прашања кои не се договараат лесно. Процесот е во броени денови. Сите сме свесни дека се броени деновите за референдумот по кои ќе има уставни измени“, рече Заев.
Галена Николовска – Ризвановиќ