Во однос на законот за ветинг предложен од ДУИ, Заев вели дека му бил доставен викендов но не го разгледал. Тој вели дека останува на ставот за ветинг и во судството и во другите институции, а причините зошто се уште не е спроведен, се дефицитот на судии и обвинители.
„Распуштање со право на реизбор беше нашиот став за судството. Едната причина е со европските партнери кога разговаравме, побараа лична одговорност, а не колективна. Втората причина е ресурскиот капацитет.Како да се пополнат испразнетите судски и обвинителски места , ако дел од судиите заминат по ветингот“, рече Заев.
Тој додаде дека во државата има 750 судиски места според системизацијата, а во моментов има 520 судии. Ако се прочистат уште 300 нема како да се пополнат, иако Академијата за судии и обвинители веќе има конкурс, додаде Заев.