Заедничка акција на МВР и шумската полиција против дрвокрадци

Од:

Прилепската шумска полиција во последната акција вчера против дрвокрадците заплени 10 кубни метри просторно огревно дабово дрво, еден автомобил ауди и поднесе три прекршочни пријави. За време на акцијата нападнато е полициско возило во прилепската населба Тризла, информираат од Шумската полиција во Прилеп.

Според командирот на шунската полиција Илија Спиркоски, заедничката акција на МВР и на шумската полиција почнала на Плетвар и во реонот на месноста Тројаци.

– Заедничката акција во текот на вчерашниот ден беше против поголема група дрвокрадци во шумско-стопанските единици Никодин, Беловодица и во Дрен. Одземени се 10 метри просторни дабово огревно дрво, се поднесени три прекршочни пријави и одземен е автомобил. Потоа во акција на МВР, нивното возило е нападнато во населбата Тризла, вели Спиркоски.

Спиркоски објаснува дека дрвокрадците се организирани и стануваат по агресивни, иако овој период се зголемени акциите. Пред еден месец, потсети, е нападната шумската полиција и едно лице е потешко повредено.

– Организирано е дрвокрадството од поединци, добро организирани во поголеми групи. Секоја екипа која ќе излезе на терен излегува пред лица-дрвокрадци од 10 до 15 души. На 3. октомври е нападната шунската полиција, еден е потешко, а двајца шумски полицајци се полесно повредени. Лицата се откриени и седуммина се приведени.Во овој период повеќе е ангажирана полицијата и е понамалено дрвокрадството. Но, се  појавени поголеми инциденти, напади на овластените службени лица, вели Спиркоски.

Би можело да ве интересира

Казнет возачот на „поршето“ непрописно паркирано во Дебар Маало, внатрешна контрола го проверува полицаецот што беше на настанот

Катерина Ѓуровски

Кривична пријава за полициски службеник од СВР Охрид, пронајдена му е дрога на работното место

Левица: Ја повикуваме власта веднаш да спроведе ветинг во МВР

МВР: Кривична пријава против 10 полициски специјалци

Кривична пријава против полициски службеник за оддавање службена тајна

А1он

(ВИДЕО) Казна за возачот кој со автомобил возеше по тротоар на Бит Пазар

А1он