Вратите на новоотворениот Аква парк во Скопје вчера биле затворени за неколку млади Роми, бидејќи вработените им рекле дека претходните денови некои ромчиња дивееле во објектот.
Скопјанецот Неџо Мемет вели дека неговата ќерка Мариса била дел од групата на која не и дозволиле да влезе во Аква паркот. Тој вели дека такво нешто не постои во европските држави.
Неџо прашува дали доколку некои млади Македонци дивееле во паркот повеќе нема да пуштаат ниту еден Македонец?
За оваа случка на социјалните мрежи се вртат многу коментари и осуди од неколку невладини организации, Општина Шуто Оризари и интелектуалци.
Се надеваме дека овој немил настан нема да придонесе повторно да стане актуелно предупредувањето од пред неколку години, кога за кучиња и „цигани“ беше забранет влез во базен.
Дехран Муратов