За период од 11 месеци годинава, 8.197 македонски државјани побарале азил во Германија. Како што соопшти германското министерство за внатрешни работи, Македонија е во групата на земји од каде и натаму доаѓаат најголем број политички азиланти, пренесе Мета.
Главната причина е финансискиот мотив, но, според германските закони, на секој возрасен барател, покрај обезбеден престој, храна, медицинска грижа, облека и образование за децата, му следува и помош од 130 евра месечно.
Инаку, македонските азиланти се на 6. место според бројот на барања, кои годинава во Германија се за 57 проценти повеќе од лани, а најмногу во последните 14 години.
Најголем број барања доаѓаат од Сиријци, повеќе од 35.000, следуваат Србите со повеќе од 23.000 апликации, а потоа на листата се Еритрејците, Авганистанците и Ирачаните.