ВИДЕО: За потпретседатели на СДСМ се избрани Царовска, Петров, Спасовски, Зекири и Манчевски

Од:

Централниот одбор на СДСМ донесе одлука да се изберат пет потпретседатели на партијата и тоа Мила Царовска, актуелен министер за труд и социјална политика, Коста Петров, Оливер Спасовски, актуелен министер за внатрешни работи, Мухамед Зекири, актуелен пратеник во Собранието, Дамјан Манчевски, актуелен министер за информатичко опшество и администрација.

Ова вечерва го изјави премиерот Зоран Заев по завршувањето на седницата на Централниот одбор на СДСМ.

Претходно тој ги соопшти имињата на неколкуте нови министри и заменици-министри.

Најави дека утре ќе достави предлог до Собрание за нов министер за финансии Нина Ангеловска, предлог за нов заменик-министер за образование и наука, Елизабета Наумовска, ќе достави предлог за разрешување на заменик-министерот за економија Кире Наумов, кој ќе биде директор на Македонската банка за поддршка на развојот и на негово место ќе биде Кирил Колемишевски и ќе го предложи заменик-министер за новото Министерство за политички систем и односи со заедниците, Неџат Мехмедовиќ.

– Сакам да испратам порака прво дека се добива шанса за бошњачката заедница преку учество на позицијата заменик-министер за политички систем и односи меѓу заедниците. Се работи за млад и перспективен кадар преку кој сакаме да испратиме порака за младите луѓе да работат, да се трудат, да бидат препознаени од државата, Владата, општеството ги препознава и дава сериозни функции. Преку Колемишовски и Наумовска испраќаме сериозна порака на стручни луѓе кои може да дадат сериозен придонес и во економијата и во Министерството за образование и наука, а секако и преку кандидатот за министер за финансии Ангеловска, која е еден од основачите на Групер, добитник на Форбс 30, доктор на економски науки од УКИМ, која во регионот и светот е позната. Верувам во нејзиното осумгодишно искуство да биде основач, да направи перспективна компанија во модерните технологии која е препознаена во целиот регион и пошироко, истакна Заев.

Пораката е, посочи премиерот, дека вреди да се заземете дома, а не надвор од Република Северна Македонија, а општеството знае да препознае и да даде шанса секој да се вгради низ институциите на системот и да даде придонес во севкупниот раст и развој, соовременување и модернизирање на општеството и нашата земја.

– Млади работете, ангажирајте се, бидете видливи, борете се во оваа наша земја и високите позиции се достапни за сите граѓани, додаде Заев.

Би можело да ве интересира

(ВИДЕО) Тасевска: ВМРО-ДПМНЕ и Мицкоски нема да спречат одржување попис согласно меѓународни стандарди и пракси

Ана Ололовска

СДСМ: Попис оваа пролет ќе има, ВМРО-ДПМНЕ и Мицкоски тоа нема да го спречи

Ана Ололовска

Петровска: Предлог Законот гарантира попис според сите меѓународни стандарди

(ВИДЕО) Кузеска: Лагите на Мицкоски не минуваат, нема ниту ќе има преговори за македонскиот јазик и историја

Ана Ололовска

СДСМ: 2021 е година на антикорупција, секој што ќе го прекрши законот мора да се соочи со одговорност

Ана Ололовска

Нови промени на локално ниво во СДСМ, назначени 10 нови претседатели на општински организации

Ана Ололовска