Општината Чаир во Скопје останува на врвот во скопските општини според бројот на активни случаи на коронавирус. Пред само два дена, во средата, имаше 306 активни случаи на Ковид-19 во општината, а денешните бројки од Министерството за здравство покажуваат дека има 352 активни случаи.
Понатаму следува Аеродром со 127 случаи, Бутел со 117, Гази Баба со 128.
Во Центар пред два дена имаше 114 активни случаи, а сега се 123. Бројката на новозаболени расте и во Карпош, каде има 108 активни случаи и Сарај со 109.
Нема општина во која бројот на новозаболени нема пораст во последниве 14 дена.
Во статистиката на активни случаи заболени од коронавирусот има и 4 странци и 51 случаи кои се уште не се распределени според општини.
Во останатите општини во Скопје бројот на активни случаи е следен:
- Кисела Вода – 82
- Ѓорче Петров – 63
- Студеничани – 75
- Шуто Оризари – 54
- Арачиново – 44
- Илинден – 24
- Петровец – 12
- Чучер Сандево – 8
- Сопиште – 11
Пред само 10 дена, бројката на активни случаи заболени од Ковид-19 во Скопје изнесуваше 760, а сега е 1593.