Времето претпладне во Македонија ќе биде сончево со мала до умерена облачност, а во текот на денот облачноста ќе се зголемува и околу пладне и попладне повторно ќе се развива нестабилна облачност која ќе биде проследена со пороен дожд, грмежи и засилување на ветерот.
Нестабилноста најпрво и во претпладневните часови се очекува да биде застапена во западните делови, а потоа ќе се прошири и во другите подрачја. Преку денот ќе дува слаб до умерен ветер од северен и северозападен правец, само на повисоките места и на планините повремено ќе се засилува.
Утринската температура ќе се движи од 10 до 18, а дневната од 26 до 33 степени.
Во Скопје и претпладне и попладне ќе има услови за локален пороен дожд, грмежи и засилување на ветерот. Преку денот ќе дува слаб до умерен ветер од северозападен правец. Утринската температура ќе се спушти до 17, а дневната ќе се искачи до 30 степени.
Во охридско-преспанскиот ргион времето ќе биде сончево, но околу пладне и попладне повторно ќе има нестабилна облачност со пороен дожд и со грмежи. Утринската температура ќе се спушти до 15, а дневната ќе достигне до 26 степени.
Во дојранскиот регион времето ќе биде претежно сончево со умерен ветер од северен. Во попладневните часови се очекува нестабилна облачност со пороен дожд и со грмежи. Температурата ќе достигне до 32 степена.
УВ-индексот ќе изнесува 7.
Во наредните денови ќе преовладува сончево и топло време со мала до умерена облачност, но во попладневните часови повторно ќе биде нестабилно облачно со локален пороен дожд, грмежи и засилување на ветерот.
Засега само в недела се очекува стабилно време, но температурата во овие денови што следат ќе биде во постепено покачување.