Министерот за правда Кренар Лога го посети подрачното одделение на Министерството за правда во Битола при што беше констатирано дека вработените работат во субстандардни услови.
„Нема лифт во зградата во кое е сместено одделението, а вработените кои се со инвалидитет немаат пристап до работното место кое е на петиот спрат во зградата. Недостасува канцелариски мебел, вратите и прозорците се оштетени и претставуваат опасност за странките кои доаѓаат да бараат бесплатна правна помош. Со влезот во ЕУ, преку фондови ќе се обезбедат средства за полесен пристап до правдата за ранливите категории“, велат од Правда.