Вработените во ЕВН Куманово ги напуштија канцелариите: Загрозена им е безбедноста

Од:

Вработените на КЕЦ Куманово ги напуштија работните места од безбедносни причини и непостоење на услови за работа.

„Се до создавање на нормални услови за работа, Корисничкиот енерго центар на ЕВН – Куманово нема да работи“, дознава „А1он“.

Од ЕВН претходно потврдија дека толпа жители од кумановското село Оризари влегла насилно во просториите на подружницата на ЕВН во Куманово.

Жителите барале од ЕВН да им ја вклучи електричната енергија откако останаа вчера беа струја заедно со неколку села од општината Липково во која се наоѓа и ова село.

По вчерашната блокада за да ги спречат повторно да работат екипите на ЕВН, жителите на Слупчане ги уништија трафостаниците за снабдување со електрична енергија и направија дефект од највисок степен, поради што жителите од селото и пошироко останаа без струја.

Кумановското село Слупчане и другите околни села Оризаре, Ваксинце, Алешевце, Руница, Извор и Белановце се уште се соочуваат со прекини во снабдувањето поради сериозниот дефект.

Нормализирано е снабдувањето со електрична енергија на селата Ваксинце, Алешевце, Руница, Извор и Белановце, но селата Слупчане и Оризари во општина Липково се уште се без напојување со електрична енергија. Од компанијата велат дека се додека не се создадат нормални услови за работа и се загарантира сигурноста на вработените на Електродистрибуција, нема да работат на санација на дефекти или да извршуваат редовни работни активности во овие села.

Вчера жителите на Слупчане го блокираа патот во селото и не им дозволија на екипите на ЕВН да работат на мрежата.

За да им дозволат на екипите на ЕВН да работат, мештаните доставија официјално барање до ЕВН, со кое инсистираат да им се опростат сите досегашни долгови кои изнесуваат по неколку илјади евра и да добијат бесплатни нови приклучоци, а без разлика колку ќе потрошат во иднина да не им се фактурира повеќе од 3000 денари. Во барањето кое ЕВН го достави до „А1он“ жителите бараат верските објекти да не плаќаат струја.

Би можело да ве интересира

Максим Димитриевски даде отчет за сработеното: Куманово продолжува да се менува

Просечната цена на струјата на HUPX берзата за петок 5.9.2025 изнесува 110,76 евра за мегават час, на МЕМО 88,22 евра за мегават час

Електродистрибуција: Чекаме одобрение од противпожарната бригада за да пуштиме струја

Голем пожар во Куманово, изгореа возила, камиони, автобус, приколка и минибус

Горан Наумовски

Просечната цена на струјата на HUPX берзата за петок 15.08.2025 изнесува 73,22 евра за мегават час, на МЕМО 83,07 евра за мегават час

Уапсено 19-годишно момче кое носело пиштол, а со него била и малолетничка по која трагала полицијата