23-годишен скопјанец вработен во обложувалница во Лисиче доби кривична пријава откако со клуч извадил пари од апарати за видео лотарија (ВЛТ) и ги вложил во самите апарати. Откако не го посакала среќата, тој се „покрил“ со 5.000 евра што повторно ги извадил од апаратите, соопшти полицијата.
„СВР Скопје поднесе кривична пријава против А.С.(23) од Скопје, поради постоење основи на сомнение за сторено кривично дело „затајување“. Пријавениот, како вработен во спортска обложувалница во населба Лисиче во Скопје, за време на неговата смена, со клучевите кои му биле доверени ги отклучил касите од трите ВЛТ апарати на игри на среќа и од нив ги извадил паричните средства и ги вложил во апаратите. Откако немал никаква добивка, пријавениот ги отворил апаратите и одзел 297.320 денари,“ се вели во соопштението од МВР.