(ВОЗНЕМИРУВАЧКО ВИДЕО) Анима мунди: Во Берово е извршено масовно труење на животни

Од:

Од здружението за заштита на животни „Анима мунди“ денеска преку соопштение ја информираат јавноста дека во Општина Берово е извршено масовно труење на животни.

„На улица, пред очите на граѓаните, неретко деца, во агонични маки (тетеравење, повраќање, трзаи на целата мускулатура, плукање крв, гушење) се убиени голем број животни. Призорот во Берово е исклучително вознемирувачки и шокантен, активисти од беровската Иницијатива за заштита на животните, како и голем број граѓани сведочат за лешови од животни насекаде низ градот“, стои во соопштението на здружението.

Како што наведуваат од „Анима мунди“ имаат основани сомненија дека се работи за организирано труење.

„Оние кои малку подобро ја познаваат оваа проблематика, а и по логика на нештата, знаат дека во случаи кога се работи за голем број на жртви и отрови поставени на повеќе локации во градот, не станува збор за изолиран случај“, се истакнува во соопштението.

Беровската Иницијатива за заштита на животните веќе се обратила до институциите на Општината со барање за преземање на итни мерки за решавање на овие појави кои не се случуваат прв пат во општината, отворање на истрага, контрола над слободната продажба на отровни материи, како и најстрого санкционирање на сторителите.

Од „Анима мунди“ апелираат граѓаните да пријават доколку имаат било какви сознанија за потенцијалните сторители, како и институциите да реагираат веднаш за да се фатат и најстрого казнат сторителите.

Би можело да ве интересира

„Анима Мунди“ ги повикува пратениците да ги поддржат измените на Законот за заштита и безбедност на животните

Анима Мунди: Инвеститорот и пожарникари го натерале кучето во Тетово да скокне

А1он

ВИДЕО: Продолжува суровоста во Македонија-куче фрлено од седми кат

Предраг Петровиќ

Анима Мунди: Итно да запре убивањето кучиња во ЈП Лана, Струмица и да се овозможи непречен влез на активистите

„Кучиња се дават во крв додека некој се радува на победа“: Помеѓу Охрид и Струга изграден ринг за борби

Орце Костов

Анима Мунди: Се укажува на можноста вработени сами намерно да одлучиле да ги убијат животните во Зоолошката