Денеска во 19 часот од пред зградата на Владата започна марш против францускиот предлог. Голема група граѓани го преминаа мостот на Вардар и тргнаа кон седиштето на МНР. Пред Владата насобраните граѓани им дофрлуваа на полицајците кои се пред Владата во кордон околу тоа кого штитат и зошто не им се придружуваат на другата страна, а потоа фрлија и неколку петарди кон нив.
Протестантите фрлаа јајца кон зградата на МНР и извикуваа „оставка“, „предавници“, „Бујар Османи оди си од тука“, а фрлаа петарди и запалија факели.
Додека толпата се движеше кон МНР, од под Кале се симнуваше група момчиња кои вееја албански знамиња.
Според најавеното, последна „станица“ треба да им биде Собранието на Македонија.