Ова е историски ден на Македонија, рече лидерот на СДСМ, Зоран Заев кој ги поднесе потписите за мандат до претседателот Ѓорге Иванов.
– Во рака држам 67 потписи од пратеници на Собранието кои што гарантираат можност за нова Влада за граѓаните и крај на кризата и во наредните денови следи мирен трансфер на власта, рече Заев.
На средбата кај претседателот Иванов присуствуваа и потпретседателката Радмила Шекеринска и генералниот секретар Оливер Спасовски.
Заев кажа дека очекува Иванов веднаш да му го даде мандатот, а од кабинетот на претседателот рекоа дека по доставувањето на доказот за обезбедено мнозинство се очекува тој да донесе одлука во наредните денови.
Виктор Јованов