Македонските граѓани се вакцинираат во Врање и без претходно да имаат закажан термин. Треба со себе на имаат само важечка лична карта или пасош јавуваат српските медиуми.
На вакцинирање во Врање доаѓаат лица од сите делови на Македонија, а најмногу од Скопје и Куманово. Во спортската сала во Врање од утрово вакцинирани се 353 лица, од кои 274 се државјани на Македонија.
-Денеска имавме голема група и тие беа претежно млади луѓе, кои веројатно во својата земја вакцината би ја примиле многу подоцна. Сите се многу задоволни, среќни и благодарни, изјави директорката на Здравствениот дом во Врање, Љиjана Антиќ.
Таа додаде дека има доволно вакцини и дека ќе добијат доволен број вакцини за граѓаните од Македонија на кои на располагање им се вакцините „Синофарм“ и „Фајзер“.
