Тетовската полиција го приведе З.И. (39) од селото Седларево кој со две магариња пренесувал половина кубен метар бесправно пресечени букови дрва.
Како што информира портпаролот на СВР Тетово Марјан Јосифовски, З.И. бил затекнат во месноста „Пеленица“ во близина на Седларево каде на други три места во непосредна близина полицајците пронашле вкупно 56 метри буково огревно дрво подготвени за транспортирање. Кај него се пронајдени и одземени две секири.
– Пронајдените дрва во рамки на оперативаната акција „Гора“ се обезбедени. Денеска ќе се врши увид по што ќе бидат предадени на Јавното препријатие „Македонски шуми“, рече Јосифовски.
Против З.И. ќе биде поднесена соодветна пријава.