Архиепископот Стефан и патријархот Порфириј по само неколку дена одржуваат втора заедничка литургија. Денеска во Соборниот храм во Скопје ќе има заедничко чествување на сесловенските просветлители Кирил и Методиј.
Поглаварот на Српската православна црква вчера во попладневните часови пристигна во Скопје. Во делегацијата на СПЦ се и Митрополитот црногорски и приморски Јоаникије, Епископот сремски Василиј, Епископот бачки Иринеј, зворничко-тузланскиот Фотие и крушевачкиот Давид. Делегацијата на СПЦ беше пречекана од Архиепископот г.г. Стефан и Митрополитот Тимотеј.
Со литургијата што минатата недела се одржа во Белград беше означен крај на 55-годишниот раскол меѓу СПЦ и МПЦ-ОА и возобновувањето на канонското и евхаристиското општење.
СПЦ вчера го заврши мајскиот Сабор, но во соопштението немаше детали за евентуалната промена на статусот на МПЦ.
