Во „Рекет“ се истражува и станот кој Јанева не го замрзнала, а го купил Сашо Василевски

Од:

Дали има незаконитост во тоа што Катица Јанева не предложила да биде замрзнат само еден стан во истрагата „Поштенска банка“, а кратко потоа го купил ексдиректорот на МЕПСО, Сашо Василевски, кој важеше за близок со неа, испитува Обвинителството за гонење организиран криминал и корупција во истрагата за случајот „Рекет“, потврдија од таму за „А1он“.

Зградата во скопски Карпош каде што Василевски го купил станот

Во таа насока веќе биле предочени и искази на колеги на Јанева кои сведочеле во Обвинителството, а можно е обвинитеката Вилма Русковска да повика уште лица кои се поврзани со сомнителната купопродажба на стан и евентуално тргување со влијание.

„Се` истражуваме, а за што ќе собереме докази ќе видиме…“, рече за „А1он“ шефицата на Обвинителството, Русковска.

Како што објави „А1он“, станот од 109 квадрати и пет квадрати гаража, Василевски, го купил на 30 октомври 2018 година по цена од 80 илјади евра.

Ова се случило само 17 дена откако СЈО ја отвори истрагата за предметот „Поштенска банка“, каде што осомничен бизнисмен е токму сопственикот на фирмата „Бентон“ ДООЕЛ експорт-импорт од Гевгелија, Томе Главчев, oд каде што е купен станот.

Извори од СЈО за „А1 он“ велат дека Катица Јанева им кажала на колегите тој стан да не биде замрзнат, бидејќи наводно бил проблематичен.

За станот од 109 квадрати во скопски Карпош, што го купил екдиректорот на МЕПСО Сашо Василевски за 80 илјади евра од фирмата на осомничениот бизнисмен Томе Главчев, била известена и Управата за финансиско разузнавање.

Со потпис на шефицата на СЈО, Катица Јанева СЈО во февруари годинава дало позитивно мислење за да му биде вратен пасошот на осомничениот Томе Главчев во истрагата „Поштенска банка“ и да не се јавува еднаш неделно во гевгелискиот суд.

Дали враќањето на пасошот на Главчев, е поврзано со незамрзнувањето на станот останува да покаже истрагата.

Би можело да ве интересира

Нова снимка за Мицкоски: Се борам да ваквото СЈО не помине, автоматски неговиот најголем предмет, тој ‘Империја’

Кристијан Ландов

Нова аудио бомба открива дека Мицкоски се среќавал со Орце Камчев: Мене ме имаат сликано како влегувам таму

Ландов

Дуковски: Јовановски поднесе кривични пријави за измама, изнуда, лажен исказ, можеби торутира и несовесно лекување

А1он

Бојан Јовановски поднесе пријави во Обвинителство

Ана Ололовска

Затворски казни од девет и седум години за „Рекет“, незадоволни и одбраната и обвинителството

Ана Ололовска

Облеката на Боки 13 и гарнитурата на Јанева ќе ги задржи државата, а Камчев ќе треба сам да си бара да му вратат 1.5 милиони евра

Кристијан Ландов