Во пожарот во велешката населба Варналиите изгоре куќа, загина сопственикот

Од:

Во пожарот кој избувнал ноќеска во велешката населба Варналиите изгоре една куќа, а загина нејзиниот сопственик. Пожарот е локализиран и се работи на целосна ликвидација на жариштата, информираат утрово од Противпожарната бригада во Велес.

Оттаму истакнуваат дека нема опасност по соседните објекти, како и дека се уште не се знае причината за избувнувањето на пожарот.

Во врска со пожарот синоќа се огласи и Велешкиот градоначалник Аце Коцевски.

-Со жалење ве известувам, дека ноќеска во Велес, околу 23 часот, избувна силен пожар што целосно изгоре една куќа во која се претпоставува дека настрадал и сопственикот, лице на околу 80 годишна возраст, а една куќа е делумно зафатена од пожарот. По интервенција на пожарникарите од ТППЕ Велес пожарот е ставен под контрола, напиша ноќеска Коцевски на својот „Фејсбук“ профил.

Куќата која изгоре, додава Коцевски, е споменик на културата, заштитена со закон, бидејќи е дел од Јадрото на Варналиите, со автентична стара велешка архитектура од 19 век, каде што режисерот Милчо Манчевски снимаше делови за спотот за убавините на Македонија.

Би можело да ве интересира

Во Велес свечено отворени 57-те Рацинови средби

А1он

Гори земјоделска задруга во тетовска Брвеница, пожарникарите со часови се обидуваат да го скротат огнот

А1он

Приведени петмина за оруженото разбојништво во стан во Тетово во август

Ана Ололовска

ОЈО Скопје поднесе обвинение за нанесени телесни повреди при семејно насилство

Ана Ололовска

Во базен во Прилеп бил пронајден удавен чуварот на објектот

Ана Ололовска

Прилепчанец загина откако изгубил контрола над мопедот и удрил во столб

Ана Ололовска