Во најголемиот албански пристанишен град, Драч, од вчера функционира почесен Kонзулат на Република Македонија.
Објектот во кој е сместен почесниот Конзулат се наоѓа во центарот на градот, а како што информираат од Македонско друштво „Илинден“ – Тирана, почесен конзул е Александар Пило.
– Македонските граѓани и Македонците во Република Албанија добија уште еден центар во Република Алабанија каде можат да се обратат за сите евентуални прашања или проблеми кои ги засегаат. Гордо се вее македонското знаме во Драч, наведуваат од Македонско друштво „Илинден“ – Тирана.
Конзулатот го отвори амбасадорот Веле Трпевски.
