Полицијата во Кавадарци при извршен претрес во домот на кавадарчанец и откри корени кои личат на марихуана, информираше денеска Анита Стојковска, портпарол на СВР Велес.
– На 21.04.2015 година од страна на полициски службеници од Полициската станица во Кавадарци по наредба од Основен суд-Велес извршен е претрес во дом и други простории на 28-годишен жител на Кавадарци, при што пронајдени се 33 корени кои наликуваат на марихуана, насадени во 6 саксии, како и 6 шишиња во кои има насадено растение што наликува на марихуана. Тие со потврда се одземени и доставени на вештачење во крим. лабораторија при МВР, појасни Стојковска.
По добиените анализи, нагласи таа, ќе следи соодветен поднесок.