Во пресрет на големиот христијански празник Велигден, но и на првомајските празници, во Дојран веќе се резервирани поголемиот дел од туристичките објекти, за гости од земјава и од Грција.
Според директорот на туристичкото биро „Дојран“ Перо Митаноски, денеска ќе се случи главниот туристички бран и очекува за време на двата празника во Дојран да престојуваат по 15.000 туристи кои ќе се сместат во приватните и комерцијалните капацитети.
Угостителските објекти, кафе баровите и хотелите покрај дојранскиот брег, подготвено ги пречекуваат гостите со цени кои за празниците остануваат непроменети.