Тензична атмосфера, кавги, расправии и закани, вака минува расправата во Државната изборна комисија по приговорите на ВМРО-ДПМНЕ за гласањето во вториот круг во Струга.
Меѓупартиската премина во меѓуетничка кавга.
Субхи Јакупи од ДУИ и Бедередин Ибраими од ДПА ги обвинија членовите на ДИК од ВМРО-ДПМНЕ и СДСМ дека со етничко гласање сакаат да направат прво анархија а потоа и ѓурултија во државата.
Попладнето ситуацијата се смири.
Од вкупно 17 приговори, 10 се одбиени, два приговори се прифатени, а за едно гласачко место одлучено е да се отвори гласачката кутија и ќе се прегледува целиот избирачки материјал
Се работи за избирачкото место 1882, каде има вишок на гласачко ливче поради што постои сомневање за таканаречен „бугарски воз“, како што тврди ВМРО-ДПМНЕ.
Има сомнеж дека постои „бугарски воз“ во Македонија. Еве ни шанса да го фатиме дивиот зајак. Со увидот во ливчињата ќе утврдиме кој стои зад фалсификатот, за поткуп, за пренесувањето на ливчето од едно до другото гласачко место, како што стои во приговорот на ВМРО-ДПМНЕ “, рече Виолета Дума.
Членовите на ДИК од ВМРО-ДПМНЕ, беа против донесувањето на гласачкиот материјал од Струга.
Засега е се поизвесно дека прегласување во Струга нема да има , бидејќи со двата одбиени приговори и со спорните гласови од избирачкото место 1882 нема да се надмине разликата од вториот круг меѓу Села и Кочовски
Кандидатот на ДПА подржан од ДУИ, Зијадин Села има 20.770 гласови а кандидатот на ВМРО-ДПМНЕ Владимир Кочовски, подржан од СДСМ освои 15.276.гласови во вториот изборен круг .