Во дебарската болница има 30 ковид пациенти, сите на кислородна поддршка

Од:

Во последното деноноќие, како последица од Ковид-19 починаа две лица од дебарско, едно во ковид центарот во Општата болница со проширена дејност во Дебар, додека другото во здравствена установа во Скопје, информира директорот на болницата Баки Алили.

– Еден од пациентите е жител на село Отишани, дебарско, додека другиот на село Баланци, општина Центар Жупа. Во инфективното и хируршкото одделение, хоспитализирани се 30 ковид пациенти, сите на кислородна поддршка. Моментно имаме на располагање уште седум болнички кревети, додава Алили.

Според него амбулантски се лекуваат во просек по 20 пациенти, додека за преглед се јавуваат по двапати повеќе.

-Поради влошена клиничка слика во последното деноноќие на понатамошен третман во здравствени станови во Скопје пренесени се двајца пациенти, со што во установи таму сега имаме седум наши сограѓани. Моментно активни на болеста, според официјалната статистика се 232 лица, но реалната бројка е поголема, бидејќи многу заразени кои иако се активни не се јавуваат на преглед во почетна фаза, посочува тој.

На подрачјето на општините Дебар и Центар Жупа, кое со здравствена заштита ги покрива дебарската болница, само овој месец потрдени се 318 нови случаи, главно невакцинирани, во списокот на закрепнати се внесени 119, додека за жал починале 14 лица.

Би можело да ве интересира

329 нови позитивни случаи, вкупно 18 починати

Ана Ололовска

Во Скопје најмногу активни и новозаразени со Ковид-19

Ана Ололовска

22-годишникот од Битола не бил вакциниран и страдал од дебелина, состојбата нагло му се влошила

Кристијан Ландов

22-годишен пациент од Битола почина од Ковид-19

Ана Ололовска

395 нови позитивни случаи, вкупно 21 починат

Ана Ололовска

Укината забраната за сообраќај на патот Дебар-Маврово