Граѓански организации од Битола денеска го одбележаа Светскиот ден за подигнување на свеста и борба против аутизмот и поведоа иницијатива за отворање Центар за работа со деца со аутизам.
Светскиот ден на лицата со аутизам годинава се одржа на плоштадот „Магнолија“ каде беа поставени повеќе штандови на основните училишта, лајонс клубовите од Битола и други здруженија кои продаваа оригинални предмети, а собраните средства ги донираа до локалната организација за борба против аутизам.
– Знаеме колку е мачна оваа состојба или болест и токму затоа помагаме со рачно изработени производи од нашите мајки и баби, односно со средства кои ќе ги искористат лицата со аутизам. Порачувам Бог да им даде трпение на мајките. дечињата, родителите кои се соочуваат со оваа алармантна состојба и сакаме час поскоро да се реши, истакна Светлана Петковска, претседателка на организацијата на жени во Битола.