Внукот на Јанаки Манаки, кој е единствениот наследник на имотот на браќата Манаки, денеска не присуствуваше на поставувањето на камен-темелник на киното, кое Општина Битола започна да го гради во чест на браќата Манаки. Наместо таму ,тој денес беше во Основниот суд во Битола.
Тој тврди дека местото на кое ќе се гради киното и дел од ресторанот што е во
непосредна близина е дел од сè уште неденационализирано наслетство. Милтон Манаки вели дека се разграбува имотот на Манакиеви и како доказ за тоа ги има документите што говорат за постапката за денационализација.
Градоначалникот на Општина Битола денес, пак, потврди дека Општината има дозвола за
градба и дека сè е чисто околу самата постапка.
Милтон Манаки, внукот на Јанаки Манаки, тврди дека 899 квадратни метри од земјиштето кај барот е негов наследен имот и зафаќа дел од сегоашниот ресторан и дел од киното што треба да се гради. Тој денес достави и документација до Основниот суд во Битола.
