Политичката партија на Красимир Каракачанов и Ангел Џамбаски, ВМРО, жестоко реагираше на вчерашниот говор на претседателката на Европската комисија, Урсула Фон дер Лајен на пленарна седница во македонското Собрание во Скопје со кое таа ги призна македонскиот јазик и идентитет.
„ЕУ ги измами бугарските пратеници со признанието дека го прифаќа македонскиот јазик и идентитет! Зошто молчите Борисов, Петков, Василев, Карадаи, Бојкикев-Иванов? Ја продадовте Бугарија! Скандалозно е! Овој чин, реално гледано, сам по себе е уште една евроатланска перверзија на бриселските измамници. Тие не го сакаат вашиот идентитет, туку вие им го наметнувате.
Со оваа акција бриселските бирократи го решија текот на идните преговори за членството на Република Македонија во ЕУ како да се отстранат од рамката два исклучително важни услови, имено – да се признае нашата заедничка историја до 1944 година и да не се легализира јазик измислен од сатрапите на Коминтерната, кој всушност е дијалект на бугарскиот. На Борисов, Петков, Василев, Карадаи, Бојкикев-Иванов и четата на национални предавници, францускиот предлог им го гарантираше токму тоа, како и заштитата на правата на македонските Бугари“, прашуваат од ВМРО.
ВМРО на Каракачанов и Џамбаски, двајцата политичари кои постојано поттикнуваат говор на омраза од двете страни на границата, без притоа да сносат одговорност за тоа, се гневни што Брисел ја сменил еднострано одлуката на бугарскиот парламент.
„Зошто се бара интерес само на една земја, а таа земја која самата не сака да биде дел од Европската унија се гледа и од реакцијата на тамошните луѓе кои јасно им порачуваат на политичарите дека не сакаат во оваа ЕУ. Тие го сакаат дивиот македонизам и бугарскиот пасош за да ги искористат придобивките на ЕУ без да ги почитуваат нејзините правила и директиви. Ним им се допаѓа албанската инвазија и муслиманската асимилација, која додека се борат со Грците кои од нив се горди наследници на Александар Македонски, тивко ги топи со години. Доволно е да погледнете наоколу додека патувате од Скопје до Охрид и да ги изброите албанските знамиња на куќите. Или едноставно пешачете до Струмица, каде веќе тешко се слуша „македонски јазик“, пишува ВМРО.