ВМРО-ДПМНЕ во соработка со Националниот демократски институт (НДИ) организира дводневен настан чија цел е градење на нови политики и обука на раководството и пратеничката група на партијата. Настанот почнува денеска во Струга, а ќе го отвори и на учесниците ќе им се обрати претседателот на ВМРО-ДПМНЕ, Христијан Мицкоски, Крис Хеншоу, директор на НДИ Македонија и Гречен Биркл, заменик помошник администратор за Европа и Евроазија, вршител на должно претставник на Канцеларијата УСАИД, соопштија од партијата.
„Дводневниот семинар се одржува со наслов ,,Рефлектирање за минатото, планирање за иднината“. НДИ е една од највлијателните политички организации во САД која има долгогодишна соработка со ВМРО ДПМНЕ помагајќи ги во континуитет внатрепартиските процеси на реформи, реструктуирање и подготвување на нови програми“, се вели во соопштението на ВМРО-ДПМНЕ.
