„Неодговорноста на владата на СДС зазема загрижувачки димензии и создава хаос, неизвесност и ризици по здравјето на граѓаните.
Масакрот во здравството кој го спроведува СДС и нивниот приврзок министерот Таравари ќе има далекусежни и сериозни последици по пациентите, бидејќи се врши директен атак врз професионалноста и функционалноста на здравствениот систем.
Одлуката за експресна смена на десетици директори на скопските клиники, болници и здравствени установи, за на нивно место да се назначат партиски потрчковци е скандалозна и претставува удар врз здравството од најдолен вид. Ова се неразумни одлуки!
Неспособноста на СДС и неодговорноста на Таравари, за жал почнуваат да претставуваат најголема опасност за животот и здравјето на граѓаните, а тоа не е добро и ќе има последици кои ќе одат на одговорност на Заев.
Професионалните кадри кои досега ги раководеа клиниките се сменети единствено само затоа што не се СДС и не му се допаѓаат на неспособниот Таравари. Трагедија за здравството е што се сменети професионалци за на нивно место да се ставаат луѓе кои во текот на студирањето фалсификувале оцени и биле избркани од факултетите на кои студирале.
Таравари го замени искусниот и докажан кадар дури и со кадри кои во својот работен век и никогаш не работел како лекар, а сега треба да глуми медицински директор.
Времето кога СДС и Таравари управувале со здравството во Република Македонија ќе остане запаметено по ликвидација на професионализмот, враќање на голема врата на партиските вработувања и унапредување во здравствениот систем по партиски клуч.
Таравари и СДС ги потценуваат лекарите специјалисти кои ги разрешија и ги разрешуваат, нивниот труд и капацитет со тоа што на нивно место поставуваат луѓе кои не се специјалисти во своите области, туку се обични лекари без специјализација.
Дури и се изживуваат врз докажани професионалци секојдневно држејќи ги во неизвесност и поигрувајќи си со нивните чувства. А, тоа се луѓе кои спасуваат живот. Тие не заслужиле секој ден да бидат под притисок и да очекуваат каква е моменталната инспирација и степен на гнев и омраза кај Заев и Таравари.
Таравари отиде до таму што со цел да му се допадне на Заев за директори на клиники назначува лични и семејни пријатели на семејството Заеви и луѓе во роднински врски со функционери на СДС.
Таравари е пример како не треба да се однесува и работи еден министер за здравство. Таравари и СДС се на пат да го уништат македонското здравство, а последиците ќе ги чувствуваме сите ние.
Заради ваквата неодговорност и неспособност, СДС многу брзо ќе се соочи со волјата политичка одговорност, уште на локалните избори заедно со граѓаните ќе го поразиме и делегитимираме СДС“, изјави Марија Андоновска.