ВМРО-ДПМНЕ: СДСМ кажуваа дека образованието им е приоритет, а кратат пари наменети за образование

Од:

Бојан Стојаноски од ВМРО-ДПМНЕ денес одржа прес-конференција на која што кажа дека СДСМ со новиот ребаланс во буџетот и кратењето од парите наменети за основното и средното образование ќе извршел класичен масакр во образованието и ќе уназаделе генерации млади деца.

– СДС со ребалансот на буџетот крати 453.800.000 денари, пари наменети за основно и средно образование. Со ова во основното и средното образование се блокираат инфраструктурни проекти, се кратат пари за реновирање и изградба на основни и средни училишта, се укинуваат пари за изградба на спортски сали во основни и средни училишта, се укинуваат и пари наменети за интегрирани училници за основното и средното образование со кои би се подобрил квалитетот на образованието на учениците, рече Стојаноски.

Според него, СДСМ биле тие што викале дека образованието им е приоритет, а сега се гледало како блокираат и укинуваат пари наменети за образованието.

– СДС се тие што велеа дека најмногу ќе вложат во образованието, а денес гледаме како кратат 453.800.000 денари само од основното и средното образование. Основното и средното образование се столбот на секој образовен систем и темелот на здрави и образувани кадри. СДС очигледно воопшто не води грижа како ќе се развиваат идните генерации на ученици, додаде Стојаноски.

Како што кажа тој, СДСМ уште еднаш потврдиле дека воопшто немале намера да вложуваат и да го развиваат образованието. Како што кажа Стојаноски, со самото тоа што се крател буџетот од образованието, тие потврдувале дека за нив инвестирањето во образованието било расфрлање.

– Срамно и жално. Инвестирањето во образованието е непотребен трошок, а набавката на октоподи, морска храна и цвеќиња очигледно е потребен трошок за функционерите на СДС. Ова е начинот на владеење на СДС. Ова е образовната политика која ја нуди СДС на државата. Со овие антиреформи на СДС, ние се враќаме 20 години наназад, заврши Стојаноски.

Би можело да ве интересира

Манасиевски: Филипче и СДС од ништо се обидуваат да направат скандал со Алта банка

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

ВМРО-ДПМНЕ: Филипче и СДС молчеа во 2023 година за Алта банка, глумеа итност, но по 10 дена ја свикаа првата надзорна седница

ВМРО-ДПМНЕ: Филипче и СДС бегаат од надзорна расправа за Алта банка и продолжуваат да лажат дека банката имала забрана за работа во ЕУ

(ВИДЕО) Манасиевски: Филипче и СДС и натаму лажат дека Алта банка имала забрана за работа во ЕУ

А1он