Од ВМРО ДПМНЕ преку соопштение реагираат по обраќањето на министерот за здравство Венко Филипче во кое поднесе оставка од функцијата.
„Оставката на Венко Филипче не е доволна, потребно е оставка на Зоран Заев кој е централниот дел на пирамидата на нефункционирањето на системот. Само оставка на Заев ќе гарантира независна и објективна истрага. 15 животи згаснаа во институција за чија безбедност е должна и одговорна државата. Заев да не се крие позади оставката на Филипче. Овој народ виде оставки кои не беа чин на одговорност туку чин на амнестија, како што беше таа на Кирацовски или Рашкоски“, велат од ВМРО ДПМНЕ.
Од таму порачуваат дека е потребна вистинска одговорност.