Извршниот комитет на ВМРО-ДПМНЕ, како што информираат од партијата, на саботната седница донел одлука да му предложи на Централниот комитет да се утврдат имињата на девет кандидати за градоначалници од редовите ВМРО-ДПМНЕ за престојните локални избори.
– Извршниот комитет на ВМРО-ДПМНЕ за општина Ѓорче Петров го предлага Сокол Митревски, за општина Гази Баба Тони Трајковски, за општина Кочани Ратко Димитровски, за општина Валандово Николче Чурлиновски, за општина Демир Капија Трајче Димитриев, за општина Босилово Љупчо Колев и за општина Новаци Лазар Котевски. Предложените кандидатит се актуелни градоначалници на овие општини, се вели во соопштението.
За општина Крушево предложен е Ѓорѓи Дамчески, актуелен претседател на Општинскиот Комитет на ВМРО ДПМНЕ во Крушево, а за општина Тетово Горан Манојловски, актуелен претседател на Општинскиот Комитет на ВМРО ДПМНЕ во Тетово.
– При изборот на овие кандидати се водело сметка за личниот авторитет и кредибилитет на кандидатот и програмата која тој ја нуди пред граѓаните за економскиот, комуналниот и инфраструктурен развој на општината во која што се кандидира, се наведува во соопштението од ВМРО-ДПМНЕ.
