Морбидно е да се слуша СДС како ликуваат за пожарите низ државата. Како со душа да чекаат на државата на и се случи немил настан, за СДС да се јави и од тоа да прави теми за прес-конференции и за себе промоција. Пожарите, на овие екстремно високи температури, не се проблем само во Македонија, туку целиот регион и држави членки на Европската Унија се соочуваат со огнени стихии, велат од ВМРО-ДПМНЕ.
„Дополнително, освен тропските температура, во државата сериозен проблем претставува намерно подметнувањето пожари. Но, и покрај се, борбата со пламените јазици продолжува со сите материјални и човечки ресурси, службите и пожарникарите се постојано на терен и даваат натчовечки напор за да спасат што е можно поголеми површини.
Друго, кога СДС вика дека државата нема соодветна опрема за справување со пожарите, тоа е всушност нивно признавање дека за седум години власт оставија пустош зад себе и не вложиле во нова опрема, како ни противпожарните единици, така ни во други витални институции.
Тоа што СДС уништи и остави пустош по институциите, не може да се среди за една година. Потсетуваме на уште нешто, во период на владеење на СДС, додека пожари беснееја низ државата, Зоран Заев и Венко Филипче без никакво чувство на грижа и одговорност, се сончаа по грчките плажи.
Затоа, СДС нека каже каков е тој нивен патриотизам кој ликува на кога немили настани, како пожарите, им е случуваат а и кога тие беа на власт, наместо да се борат да ги изгаснат, се ладеа во морските води на Егејот. Сега, за разлика од тогаш, сите служби се на терен, се даваат натчовечки напори, се користат сите ресурси и сите пожари, од кои добар дел подметнати, се ставаат под контрола и навремено се гасат, тврдат од партијата.