ВМРО ДПМНЕ: Лицемерието во СДСМ денес го достигна врвот

Од:

Од ВМРО ДПМНЕ преку соопштение региаат на прес конференцијата на пратеничката од СДСМ, Бисера Костадиновска Стојчевска.

„СДСМ и нивните пратеници го претворија Собранието во циркус каде секојдневно испливува на површина сета нивна фрустрација, неспособност и деструкција. Имено, денес македонската јавност имаше можност да се увери во дволичноста и сервилноста на пратениците од СДСМ. Наместо да го обвинуваат ВМРО-ДПМНЕ за се’ и сешто, наместо да се служат со навреди, клевети и измислици, тие треба конечно да престанат да бидат слепи послушници и извршители на погубната и деструктивната политика на својот партиски шеф, Зоран Заев.

Очигледно, водејќи се од вчерашната изјава на партискиот шеф Зоран Заев за „баналноста на трагедијата во Тетово“, пратениците од мнозинството не дозволија да се отвори дискусија во Собранието на Република Македонија и без око да им трепне го одбија нашето барање. Тоа е нивото на демократија во СДСМ, тоа е нивната транспарентност и отчетност кон граѓаните. Очигледно некому му пречи дебата, дискусија и вкрстување на аргументите за пожарот во болницата во Тетово.

Најсрамно е тоа што за СДСМ и нивните пратеници, предложените закони во предизборието кои ќе служат единствено за предизборен маркетинг и популизам, се поважни од дискусијата за трагедијата во Тетово која однесе 14 невини човечки животи. Срамно и бездушно.

Апелираме до пратениците од мнозинството да престанат вината да ја бараат во пратениците од ВМРО-ДПМНЕ, туку напротив, конечно еднаш засекогаш да преземат одговорност за своите дела, да се погледнат себе и своите редови и да одлучат чии интереси бранат и застапуваат во Собранието на Република Македонија.

Како пратеници од ВМРО-ДПМНЕ и Коалицијата упатуваме силна и јасна порака дека нема да отстапиме и секогаш ќе се бориме да се дознае вистината и вистинското лице на СДСМ. Македонската јавност заслужува да знае кој и како се бори за нивните интереси, а кој калкулира и тактизира бранејќи нечии лични интереси за зачувување на сопствената кожа и удобна фотелја“, се наведува во реакцијата на ВМРО ДПМНЕ.

Би можело да ве интересира

Филипче: Во Буџетот нема пари за зголемување на платите – нема развој, само долгови и камати

СДСМ: Тепачот на Сара, насилникот од Охрид бил пуштен на слобода поради врски со ВМРО – ДПМНЕ

СДСМ: Партиските редови денес се почисти, а ЗНАМ се фали со своите нови платеници

А1он

ВМРО-ДПМНЕ: Нема голем скандал во Македонија, а трагите на парите да не водат директно во Зајас кај Али Ахмети

А1он

СДСМ: Според ММФ, Македонија е меѓу последните европски економии според БДП по жител

Горан Наумовски

(ВИДЕО) Филипче: Македонија на дното, 41 место во Европа – ММФ ги разби бајките на Мицкоски за трета економија

Горан Наумовски