ВМРО-ДПМНЕ испрати писмена реакција на изјавите на Катица Јанева.
„Катица Јанева е избрана за Специјален јавен обвинител за да работи непристрасно и професионално, исклучително по закон.
Нејзиното тврдење за Макфакс е неточно и повеќе политичко со намера да се наштети на угледот на Претседателот на ВМРО-ДПМНЕ, г-дин Никола Груевски. Изјавата на Катица Јанева не е поткрепена со ниту еден аргумент.
Најостро демантираме дека Претседателот Никола Груевски „се обидувал на сите можни начини да одбие да ги подигне поканите за распит“. Претседателот на ВМРО-ДПМНЕ ги почитувал и ќе продолжи да ги почитува законите и институциите на Република Македонија. Тој никогаш не одбил да прими покана“ се вели во соопштението на ВМРО-ДПМНЕ.