Да беше СДСМ на власт во овој период од четири и пол години денес Македонија ќе беше во ситуација на банкрот и ќе имаше некаква тројка што ќе ја спасува, реагира владејачката ВМРО-ДПМНЕ на пресот на СДСМ.
„Пензиите, субвенциите, социјалната помош, и платите ќе се намалуваа наместо да растат. На Македонија добро и е познато економското владеење на СДСМ. Kога се во опозиција само критикуваат и даваат популистички предлози, кога се на власт економијата тоне, а корупцијата владее. Од друга страна, нејасно е како СДСМ прогласува своја победа кога Владата во време на глобална рецесија успева да проектира економски раст од плус 2%.
– Каде СДСМ тука ја виде својата победа?Буџетот за 2013 година предвидува рекордни 388 милиони евра за капитални инвестиции, средства кои се наменети за проекти кои ќе го подобрат квалитетот на живеење на граѓаните во Република Македонија, преку проекти во здравството, во образованието, во инфраструктурата, во енергетиката, во земјоделието, проекти кои ќе ја поттикнат економската активност“, се вели во писмената реакција на ВМРО-ДПМНЕ.