Влезот во ЕУ ќе се наплаќа 7 евра: Нови правила и крај на слободниот премин

Од:

Од мај следната година граѓаните од Западен Балкан, односно Србија, Босна и Херцеговина, Црна Гора, Македонија, како и Молдавија и Украина, ќе треба да платат виза од седум евра за влез во Шенген зоната.

Еврокомесарката за внатрешни работи Илва Џонсон потврди дека Европскиот систем за информации и овластување за патување (ETIAS), според кој британските и другите граѓани ќе треба да аплицираат за укинување на визите пред да влезат во ЕУ, најверојатно ќе стапи на сила од мај следната година.

Тој ќе важи и за граѓаните на други земји на кои не им треба виза за влез во ЕУ, како што се САД, Австралија и Канада, пишува Гардијан.

Системот ETIAS ќе бара од државјаните кои не се членки на ЕУ да аплицираат за патна дозвола од седум евра пред да влезат во Шенген зоната, која ги вклучува 27-те членки на ЕУ, Исланд, Лихтенштајн, Норвешка и Швајцарија. Дозволата ќе трае три години, односно до истекот на пасошот на патникот.

Патниците ќе треба да дадат лични податоци на интернет, како што се адреса и вработување, како и проверка на евентуално кривично досие и информации за контакт во земјата на дестинација. Повеќето барања се очекува да бидат одобрени во рок од неколку минути, но некои одлуки може да потраат до 72 часа.

Во меѓувреме, ЕУ потврди дека на 10 ноември годинава, односно половина година пред имплементацијата на системот ETIAS, по неколку одложувања, ќе почне да функционира системот за влез и излез (ЕЕС) за земјите од Шенген зоната.

EES ќе бара од патниците да обезбедат биометриски податоци како што се отпечатоци од прсти и слики од лицето на границата. Тоа е дел од мерките кои имаат за цел да им го отежнат влезот на криминалците или терористите во ЕУ со лажни пасоши. Според првите предвидувања, системот требаше да биде оперативен во 2022 година.

Би можело да ве интересира

Мицкоски: Никогаш нема да се повлечеме од преговори со ЕУ, цел на оваа Влада е државата да стане дел од Унијата

Горан Наумовски

Фон дер Лајен: ЕУ, САД и НАТО ја зајакнаа својата заедничка позиција за Украина

Горан Наумовски

Европските лидери поставија пет услови пред средбата Путин-Трамп

ЕУ подготвува нови санкции кон Русија

Калас: Нема отстапки додека Русија не се согласи на безусловно примирје

Орбан: Единствен разумен потег на лидерите на ЕУ е да започнат самит ЕУ-Русија